Adaj laken tumen barikane reportaschtscha taj interesanti vakeriptscha fatreterenca la flogoskera grupnatar le Romendar andi burgenlanditiki Romani tschib. O redojengere Podcasts jek khetan kedipe la radijosendungatar Roma Sam hi, savi hetvinate kiratiske 20.50 orenge ando radijo Burgenland te schunel hi. Die folgenden Podcasts sind eine Zusammenfassung der Radiosendung Roma Sam, die jeweils Montagabend um 20.50 Uhr in Radio Burgenland zu hören ist.
Alle Folgen
Palgondolipe la cukunftake: 31 berscha palo atentato Erbatar
Angle 31 berscha use jek bibastalo atentato Erbate, schtar Roma murdarde ule. Uso sako berschengero gondolipeskero mulatintschago, organisirim la Romengera pastoraltar la diöcesejatar Tikni Martona, upro opfertscha pal gondolim ol.
I naschadi Romengeri sidlung andar Lackenbach
Ande amaro sendungakero redo „Naschade Romengere sidlungtscha le Burgenlandistar“ akan o reporteri Adi Gussak upro jomakero rodipe ando gav Lackenbach pe kerel. Odoj resel te le phure biro Heinrich Dorner, savo ande Lackenbach upre bartschino.
Eva Schwarzmayer | Ando sikavipe
I Eva Schwarzmayer Rochoncate upro them ali taj upre bartschini. Vasch lakere familijakere khetan phandliptscha, kesdinel lakero donde bescharipe la dschidovtschengera historijaha lakere hajmatakere gavester taj le holocaustiha, imar ande lakero ternipe.
„Betschitiki dschili resel Gypsy Swing“ taj genipe Rubino Reinhardt
Ande amari adiveseskeri sendung phukavas le mulatintschagostar „Betschitiki dschili resel Gypsy Swing“. But barikaniptscha la betschitika muschikakera scenatar adale kiratiske te schunel taj te dikel sina. Bulhardo ulo o mulatintschago jeke genipeha le Rubino Reinhardtistar.
Jana Hufnagl | Pisimaschkija lakeri erschti pamaristschengeri kenva ar del
I andar i Tschechija ali taj sajt but berscha andi Austrija dschivdi pisimaschkija i kenva „Loschande pamaristscha jeka latscha ratake“ ar del. O historiji asajipe te anen, o vodschi aun te astaren taj o pharo sako diveseskero dschivipe eknaj pobisterdo te muken. Lakere pamaristscha na vakeren tschak le ternen aun, on te le phuren aun vakeren, save meresch ande jek fantasijakero them ande usinen.
Seimen Mettbach | Ando sikavipe
Micindo taj but soraha sikatscha o Seimen Mettbach leskeri muschika uso Sintijengero kulturakero di ando R&B farajn ando 7to betschitiko gemajndakero becirk. O dschilaschi taj pijanisto leskere dschilenca, i kultura taj ajgeni historiji ande jek barikano koja dschivdon kerel. Leskeri jekoschni ardschumintschagoskeri forma, jazz, swing, soul taj avre andfojiniptscha use jek barikano hango khetan phandel.
33 berscha pal i akcijona „Udud ando schitiknipe"
Ando bersch 1992 Romengere tschave taj tschaja andar o suditiko Burgenland ando thaneskero schtudijo Tikni Martona, i dschili „Amen sam Roma“ la akcijonake Udud ando schitiknipe dschilade. O Adi Gussak poar tschaven taj tschaja papal lakla, on imar bare hi, taj ov ada phuro uprelipe angle lenge kheltscha – kaj papal but palgondoliptscha dschangarde ule.
Vodschikane Romengere-pamaristscha usi boschitscha
I boschitscha uso lek barikaneder sveco ando bersch genel taj le lek buteder familijendar baro mulatim ol. Na tschak la Kedveschna Rat, hatek te la cila adventiskera cajt, jek baro barikanipe ando bersch hi. Ande amari adiveseskeri sendung Roma sam schunen tumen vodschikane Romengere-pamaristscha, save i Susanne Horvath taj o Josef Schmidt genen.