Bärebrüedsche

Folg 49 erwartet öich mitemne Recap vo aune offene Frage us dr Folg 48, e Ladig vermeintlechi Sicherheitstipps hei mir o für öich ipackt, o wenn die Tipps teilwis ender z Gegeteil bewürke. Wie Mike sis Publikum temporär hett la erblinde und wie gut sech die beide Glünggis im Schwingsport uskenne, chöit dir ebefalls ab sofort nachelose! Es wahrs und wahrhaft langs Spektakel wo definitiv i dini Chopfhörer wott.

Uff mir si widr vor d Mikrofon gheit u hei öich es Gschenkli gmacht. 2 Stund vou Gas dür die letzte paar Wuche u üsi Gedanke si ab sofort für öich barat! Los unbedingt bis am Schluss wöu mir hei dir no e neue Hit vorbereitet u de useballeret. Viu Spass bim Lose und mach di barat ufne richtige Banger!

Mir hei wirdrmal öppis für öii Ohre produziert! Disesmal handlets sech um e spezielli Folg wo mir über üsi Unfäll rede, wo vor churzem passiert si. Wieso Oli plötzlech 5 Sterne über sim Chopf hett gha u vor Polizei isch verfolgt worde ghörsch hie. Wie Mike si Fuess verhouzet hett gits natürlech ono obedruf. Es wahrs Spektakel a Röibergschichte.

Die zwöi Pinslä hei sech widr vorem Mikrofon troffe und e grandiosi nöii Episode usegla! Vo Nachrichte und Meteovorhersage zu üsem grösste Fan wo üs vrzeut, was er am Sunnti gmacht hett bis zumne spontane Telefongast, wo mir am Sunntig nid hätte söue alütte isch alles dinne gsi! Danke Sändu für dis Gschenk, wo mir üs riesig drüber gfröit hei! Die nöii Frisä vom Mitch wird natürlech ono analysiert. Alles nume für öich liebi Bärebrüedsche Familie!

Es isch Früehlig u bekanntermasse wache denn d Bäre widr uf. Im Verglich bruche mir aber nume 5 Sekunde bises widr räblet! Gönn dir die nöisti Folg Bärebrüedsche wo mir über toti Fische, krassi Sportevents und unusgsprocheni Regle bim Banane esse rede. Es Füürwerk für aui. Ps. Falls dir d Folg z läng isch los se eifach zwöi Mal :)

Mir kommentiere d Lauberhornabfahrt 2024 live! Uf Youtube sogar no mit Video. Los dri und gniess dr granidos Sieg vom Marco Odermatt, vieli improvisierti Interviews und es spannends Renne. Gueti Besserig wünsche mir am Aleksander Aamodt Kilde.

Zägg da si mr widr. Natürlech isch die letzti Folg nid di letzi Folg gsi.D Bärebrüedsche bombadiere di inere actiongladene Folg mit aune Sache wo üs beschäftige. Mitemne öffentleche Beschwerdebrief und wunderschöne Wiehachtsgrüess schliesse mr die hüttigi Folg ab und freue üs druf, wenn mir öich wieder chöi beschalle. Gebet üs doch direkt uf Spotify odr per Mail es Feedback und nehmet Teil a üsem Spektakel!

Die letzti Folg Bärebrüedsche... (Heul, wein, schniefz)Aber trotzdem hei mir nomal aues us üs usegholt und es wahrs Spektakel abglieferet.Oli vrzeut vo sine Ferie, Mike vrzeut, wie er Buggys kaputt gmacht hett und wieso das er Ägypte nid so cha empfehle. Aber das isch nid aues natürlech. Los doch eifach selber dri und gniesses.

Die zwöi Bäre hocke am Ufer vom Thunersee und rede über Israel, Zypern, Bullshit und ganz viu Seich. Amne wunderschöne öffentleche Ort werde mir immer wieder vo Spaziergänger ungerbroche und eine vo üsne tröiste Hörer macht no e chline Stop bi üs und blibt bis zum Endi vor Folg als Joker derbi.Schribet üs doch öii Frage und Ideene für die nechsti Folg. Mir si gspannt!

Mir si widr dusse! Nid nume dr Podcast, sondern mir selber. Mitts im Rouch vo Olis geniale Füürkünst nehme mir halb vergiftet die Folg uf und hei es riese Gaudi! Manje Kaka! Boroma! Totali Eskalation uf üsem Kanal. Finde use wer dr best Badmeister isch und wo das du ke Bier überchunsch. Thailand oder Costa Rica das isch ono es Thema. Viu Spass bim lose und hopp Yann Sommer!

Ohni Plan und mit ganz viu spontane Gschichte si mir am Start für di! Vo Geburigschenk über Karaokepartys zu Fisch wo mitemne Skandal gfange si worde bis zu richtig intellektuelle Gspräch über Push Up Hose für Männer. Chum mit zu üs iz Gängster Paradies und erfahr, wele Polizeiposte dr fründlechst isch.

Was geit de hie ab? Voll Gas hei mir üsi wildesti Episode gstartet mitem Globi wo d Ehr hett die Episode z eröffne. Mir motiviere di füre Früehling, verzeue dir wele Zoo das die beste Bewertige hett und erkläre dir Zämähäng vo Sache wo eigentlech gar keni Zemehäng hei. Viel Spass!

I dere Folg rede mr über Mikes und Pandas Erfahrige als Obdachlosi, Olis Skinke wo Riis esse undemne Gastuftritt vo üsere Muetter wo dr Stoubsuger suecht. Tönt verwirrend u macht ke Sinn geu?Genau so isches aber wenn du üse Podcast schomal glost hesch kennsches ja nid anders.Mir fröie üs uf dis Feedback!

Los zue wie mir die ungloublechi Abfahrt in Kitzbühel live kommentiere. Mir Ehre dr Beat Feuz bi sire letzte Fahrt u gratuliere am Aleksander Aamodt Kilde wo das Renne sensationell gwinnt. Oli üse Expert hout aui technische Fakte use u wird dini Ohre verwöhne.

Lust uf di pinlechsti Story wo je uf dem Podcast vrzeut isch worde? Wosch öppis überne Iisbär namens Zaza usefinde oder nimmts di Wunder weli Brügge uf Google e 5 Sterne Bewertig hei übercho vom Marco Schmied?Ds si aus Gründ zum üsi nöisti Episode z lose. 1.5 Stund voller "Trash-Talk" wie me uf Jodel üs benennt hett und ei grossi Akündigung zum Schluss! Viu Spass

Bitte verschreck di nid wennd i die Folg klicksch. Es wird Lutt, wild, doof, tierisch und eifach unbeschriblech unterhaltsam. Vo Olis Skinke wo im Herbst dr Früehlig gspüre, zunere wilde Begegnig vomne Stier mitemne Esel bis zu Schlange i Wöschchörb. Das erwartet di alles i üsere nöiste Folg. Oli isch zuedem jetzt stolze Eigentümer vomne Teil Regewald in Peru.

D Bärebrüedsche si widr zrügg! E brandneui Folg voller gewohnter Bullshit und unabrachte Namedrops wartet druf vo dir ghört z werde. Alli Details zu üsem Comeback Video und zuedem ou d wider Erklimmig vom Podcasttrohn i üsere Umgebig alles i sagehafti 74 Minute zemepackt. Los dri, gniesses u denk dra... Lache macht gsund.

Aus vrchert und alles falsch i dere Episode. Mir hei üs z erstmal ganz nöi erfunde und eifach dr ganz Podcast rückwärts ufgno. Üs hetts total verwirrt und drzue inspiriert das nie me widr z mache. Los mau dri u gib üs Bscheid eb du dr gliche Meinig bisch ;)Mir vrzelle dir trotzdem interessanti Storys über z Aarebötle, Verhüetig, d Schwiz und e geniale Scherz wome nume e Edding Stift drzue brucht. Viu Spass!

Der Finger sah noch sehr frisch aus... Weli Schlagzile chönnti zu dem Usschnit us dr Zitig passe? Finds use i üsere nöiste Folg gspickt mit intime lustige Gschichte us dr Teilnarkose. Üses verspätete Verletzigsspecial zum Mittwuch dr 18. stattem Fritig dr 13 bringt di und üs definitiv zum Lache! Chum mit ufe Trip u denk dra lache hiuft immer ou wennd verletzt bisch.

D Bärebrüedsche di werbefrei, Influencer befreit u Bullshit haltig Podcast isch wieder zrugg mit nöiem Material. Hesch du Chruseli oder gradi Haar? Weisch du wieso z Meer salzig isch? D Bärebrüedsche kläre uf, was du no nid weisch. Mir spiele Gitarre, lache üs eine ab u bashe aus gäbs kes morn me. Mir erkläre de Quotemänner offiziell dr Chrieg u Oli vrzeut, wie er neuerdings e Handynummere hätt chönne ergattere für 11 Franke. Tönt ds spannend gnueg, dasd drilosisch? Ps. Passet uf we dr ines Chinderbecki im Hallebad göht!

Liebi Bärefamilie mir bringe euch e neui Folg mit erstunleche Fakte über Zweifel Chips, Olis Paranoia daser Zäiä verliert undere lange Diskussion über Härdöpfle. D Nathalie luegt ono verbi und lütet mit üs dr Summer i. Nehmet eui Liegestüuh füre, gönnet nech es chalts Bier u denket dra... Lache isch gsund! Ps z Bäräss Video isch iz Online!!

Inere witere Episode womir im Stil vo Urologe die letzti Wuche vonand nehme, mit voller Inbrunst üsi Poetryslams zum Beste gebe u mir dir eifach vrzeue wie intelligent mir si findsch du dini Unterhaltig. Mir mache ufgrund vo Olis Ferieufenthalt nechst Wuche e Pouse wöi di aber nid ohni Füürwerk und nöis Material la schmore. Hie hesch richtig guete Stoff für dini Ohre!

I dere Episode stelle mir dir i üsem bekannte u selbst erfundene Spiel namens Wahrheit und Lüg diversi skurili Gsetz vor. Mir fiire ouno dr Geburtstag vo Mike nache und nehme Abschied vomne Kolleg wo leider die Welt verla hett. Trotz de schlechte Nachrichte hei mir dir e lustigi und unterhaltsami Episode barat, wo du mit verschiedenste Frage vo üsne Hörer bombardiert wirsch. Ah und Oli fahrt mit sim Velo im Studio ume. Wieso weiss er nid mal selber ;)

Dr Früehling isch da u mitem Früehling melde mir üszrügg usere churze Pouse. Mir si widr da mitemne regelrechte Füürwerk us dumme Gschichte, Hintergrundwüsse zu üsem nöiste Filmdräi und öppe 1000 Witze am Schluss womir dir eifach id Ohre ballere. Ah ja... Olis höch Ketchup Verschleiss wird ouno begründet. Viu Spass!

Werti Bärefamilie mir begrüesse euch ganz herzlich zu üsem Flug Special wo üs vo Sicherheitsawisige i üsere eigete Airline bis zu ungloubleche Vorfälle i dr Gschicht vo dr Aviatik bringt. Ungloublech si nid nume die Storys, sondern ou üses neue Video wo mir dir usfüehrlech drvo düe berichte. Find zuedem use wie ökologisch üsi Familie isch und wie Oli scho in Barcelona isch gsi. Über ei Stund Vergnüege für fasch die ganzi Familie. Viu Spass wünsche mir dir!

Die Folg behandle mir es Tabuthema wo Mike dem Podcast hett gä, da er aber nid alleini ufem Podcast isch hett Oli churzerhand das Tabuthema broche. Was ds isch findsch du i dere Episode use wo voller technischer Defekte isch und dir ganz sicher es Lache iz Gsicht zouberet, wie si üs ou hett. Ps. Blib dranne für e Hammer Poetry Slam Rundi!

Heit dir mitübercho, dass e Fähre irgendwo im Meer liechter lotus brönnt? Zum alli Details über d Brenntleys, Füüraris und Rouchts Royce z ghöre muesch unbedingt di nöii Bärebrüedsche Folg lose. Mir bringe dir packendi Infos zum Mönsch, e witeri brüederlechi Gmeinsamkeit und zuedem es ohrebetäubends Intro.

Trotzdem das mir i üsere nöiste Folg hei gseit mir nenne se "Nippel im Titel" hei mir üs umentschlosse die füürigi Folg Bürotechnik z toufe. Natürlech passend zu de grandiose Gegeständ vo dr Wuche. Was das alles beinhaltet ghörsch ir nöie Folg. Zuedem lerne mir üs nach 20 Jahr ir gliche Familie no besser kenne und merke, dass mir familiebedingt verschidegrossi Nipple hei. Tönt emu spannend oder?

Wie das du dini Kryptowährige chasch igfriere und zumne spätere Ziitpunkt wieder uftoue und esse i Form vomne Hummer, dass erfahrsch du i üsere Episode 23. Wie du merksch kenne mr üs weder mit Kryokonservierig oder Kryptowährige us aber lustig wirds uf jede Fall. Das isch es verspreche. Üsi längsti Episode nach Folg 1 balleret dir e humorgladene Podcast id Ohre. Mir wünsche dir bim Lose ganz viu Spass!

Überhüft mit emne Berg Post si mir im Studio itroffe, was das mir alles hei übercho und nöi organisiert hei ghörsch direkt wennd irgendwo ir Umgebig vo dem Text uf Play drücksch. Mir wünsche dir uf jede Fall viu Spass bim lose u wenn drs grad am überlege bisch eb du ds überhoupts wosch, seges mir i de Wort vom Roger Federer: Chum itz!

Ho Lee Fuk mir hei widr Gas gä und gar nid wöue ufhöre. Villech hei mir dir brandnöii Infos über üse neust Marketingcoup wo eventuell mitemne familieinterne Betrug z due hett. Mach di gfasst uf ne Episode wo Sam Ting Wong isch u dr Held us üsere Chindheit, dr Winnie Pooh es Revival hett.

Wosch du e verruckti Episode lose wo üs dr Bullshit wortwörtlech übere Chopf us gwachse isch? De bisch du genau richtig bi üsem 20-fölgige Jubiläum. Drüviertustund lang neme mir di mit ufne Reis dürne explosiovi, dekorierti, partyversüchti und komplett verwirrti Episode. Fiir mit üs u denk dra das mir üse Bonsai immerno im Agebot hei!

Kennsch dr Marcoooo Odermatt? Mir fäne ihn a wie no nie uf dem Podcast u bringe dir di nöii Episode mitemne liechte Tinitus i de Ohre vor lute Soundtests. Wienes alts Paar schaffe mir wieder e chli spontaner u verkacke es genial adenkts Outro. De Seich wosch du eifach nid verpasse! Du chasch sogar e Bonsai gwinne!!!

Mir begrüesse euch aui ganz herzlech im nöie Jahr und fröie üs druf euch die neusti Folg z bringe. Aber Achtung dasmal isch nid ganz alles jugendfrei. Was das nid isch ghörsch wennd druf klicksch. Oli geit no iz Westside go bade u hett fasch es Herzchriesi aber das hett ke Zemehang mitem jugendfrei si ;)Ah ja. Hopp Marco Odermatt!!

Mir si widr zrügg us dr Chäferhaft u bringe euch e früschi und letzti Episode für das Jahr. Wiederum bringe mir dir persönlechi Problem usem Alltag oder grandiosi Frage usem Internet direkt i dis Ghör und mir garantiere dir, dass du öppis z Lache hesch. Mir schicke euch aune besti Bäregrüess und wünsche euch aune e guete Rutsch iz nöie Jahr. Mir ghöre üs im 2022 mit früsche Vorsätz und neue Storys.

Wiedr mal bewege mir üs übere gross Teich und vrzeue euch dasmal vo üsne Ferie in London. D Stadt wod Queen imne riese Palast sitzt und die andere Queens im Park Musig mache. Was mir süsch no alles beredt hei und was für spontani Gschichte üs widr i Sinn si cho erfahrsch du wenn du di 54 Minute Ohreschmaus losisch und di hindere lehnsch.

Bisch du schomal vomne Gemschi agriffe worde? No nid. De los dri dasd weisch wasd muesch mache wenn das passiert. Mike hett das drum schomal erlebt.Zudem hout dir Oli sini Clementine und Mandarindli Facts i sim nöie Poetry Slam umd Ohre. Los dri i üsi bis jetzt amüsantisti und längsti Gschicht zu später Ziit.

Schouspieler das si mir mal gsi. Mal ja... Mir vrzeue dir i dr nöie Episode über üsi Filmkarriere in Steffisburg und bringe dir nächer wie mir d Welt hei wölle verbessere wo mir Kids si gsi. Zuedem empföh mir e nöie Sondergast wo ou e ganz persönlechi Story mit sich bringt. Blib dranne füre Poetryslam und la di vo üs i dr Bärefriday Wuche zum lache la bringe.

Vor WM in Katar bis zum Wiehnachtsmärit oder dr OHA in Thun. Egal wo du bisch d Bärebrüedsche si widr da für di mit nöiem Material. Dismal bissle mir kem Promi az Bei hei aber Gorillas us Uganda u es paar interessanti Gschichte zu Velostürz und ere Wiimäss im Gepäck.Gloub üs das wosch du nid verpasse!

Üsi spätisti Folg sit Beginn vo dr Bärebrüedsche Ära chasch du hie lose. Liecht übermüedet und voller Blödsinn hei mir üs ines wilds Schlamassu us kurlige Gschichte, Spätnachttelefonwettkämpf und Fakte gworfe. Chum mit üs uf die Reis u los d Story vo Olis Begegnig mitem Luca Hänni oder söue mr sege vo Luca Hännis Begegnig mit Oli? Entscheid selber!

Achtung Spoileralarm: I dere Episode rede mir ganzi zwöi Minute übere nöii James Bond Film. Wenn du das nid wosch lose duesch denn eifach hurti fürespuele. Spuel aber nid zwit, süsch verpassisch du üse Stargast dr Simon üse älter Brüedsch. Mir nehme di wider mit ufne musikalischi, füechti und amüsanti 55 minütegi Zemefassig vo dr letzte Wuche undemne witere Usschnitt us üsem lebe. Los dri!

Mir si 10ni! Ganzi 10 Folge alt isch üse best und einzig Podcast mittlerwile scho. Die 10ti Folg wird dir vo zwöi ufdräite u energiegladene Bärebrüedsche präsentiert. Due dini Ohre uf, heb di fest und mach di barat lutt z lache wenn mir dir üsi nöii Challenge präsentiere. Zudem wei mir mit dir üses Jubiläum fiire. Wie mir das zeme chöi fiire erfahrsch ir Episode.

Achtung Achtung d Bärebrüedsche si dusse ir Wildnis. Los üs zue wie mir üsi ersti Folg unter freiem Himmu ufnämä. Oli hett es Gschenk organisiert und Mike hett widrmal es Lachflash. Zuedem houe mir üs erneut e Poetry Slam um d Ohre. Das wosch du eifach nid verpasse!

Live usem Inselspital präsentiere mir die nöii Folg Bärebrüedsche. Mir griffe wieder diversi wahnsinnig wichtigi Themene uf so wie falsch usgsprocheni englischi Wörter wo üs immer wieder begegne oder erneute spannende Tierstorys mit Audioeffekte. Blib dranne bis am Schluss u los üsi nei geboreni Poetryslam/Rapchallenge u fröi di scho uf Folg 9.

Är isch widr zrügg. D Bärebrüedsche si widr vereint u barat dini Ohre mit interessante Storys und emne atemberoubende Freestyle Rap Battle wo id Gschicht igeit z füettere. Zudem spiele mir no live Musig für di. Du wirsches nume gloube wennd dri losisch.List die Beschriebig überhoupt öpper? Löhts üs la wüsse uf Instagram @baerebruedsche

Oli isch leider im Spital u hett e Operation müesse über sech la erga. Mir hei öich aber nid ohni wöchentlichi Folg wöue la si drum hei mir üse erst Gast iglade. Dr Emre vrzellt über sini turbulente zwöi Wuche wo sis Lebe ufe -chopf gstellt hei. Was dr Sido, dr Mario Barth u witeri dütschi Promis drmit z due hei erfahrsch i üsere nöie Folg. Los dri.

Mir verlöh üse Kontinent und reise Richtig Afrika. Loset zue was mir in Tunesie erlebt hei und wie Oli amne Esel es Kompliment hett gmacht. Zuedem rede mir über Mikes Gleitschirmflug und ganz vieli existenziell wichtigi Themene.

Chömet mit i luftigi Höchine mit üsere nöie adrenalingladene Folg womer vo Skydives, usegstreckte Zunge und Highspeed Begegnige mit Wolkene rede.D Bärebrüedsche hebe ab u nehme di mit. Blib bis am Schluss dranne fürne magische Flachwitz und ohrebetäubends Glächter.

Vo liebe herzige Nuschis, über verwahrlosti Goldfisch bis zu igsperrte Bärebrüedsche im Lift. Das gits alles i üsere nöie Folg oder nenne mrs Episode...? Isch ja o glich loset dri, hebet Spass und vrzeuet öine Kollege, Familie u Huustier vo dem Podcast.

Voilà Folg deux isch barat für euch! Mir hei sogar chli französisch gredt und e extrem starki Schoggi probiert, damit dir das nid müesst mache. Eb die fein isch gsi oder nid chasch selber usefinde wennd uf Play drücksch und dranne blibsch. Mir hei o widr es grandioses Finale ufgno also blib bis zum Schluss drbi :)